ياكم مطير عشاكم

السلام عليكم


شلونكم شخباركم انا صارلي جم يوم اتابعكم وحبيت اشارككم


يزاها الله خير بزه اللي عرفتني عليكم وعلمتني اليوم شلون ارد على مدوناتكم ومدامي تعلمت ارد عليكم فكرت احط لي مدونه حالي حالكم واهذر لين اقول العيد باجر


"بزة" هذي بنيتي ، بنت يارتي بس حسبة بنيتي، لا خلا ولا عدم يا بزة والله انج ابرك من امج


مسيجينه عيزت وانا احن عليها بسرعه وبسرعه الحين يوم خلصت البنت جابلت المدونه اكتب وامسح وامسح واكتب ، واقوم اطالع التلفزيون ، وارجع اكتب وامسح وامسح واكتب ، لين صارت الساعه ثنتين وانا ما ادري شاكتب عنه


يوم فكرت اكتب لكم الافكار في راسي تنطح بعض ، بس الحين ما ادري شفيها افكاري تمنعت وحده تدز الثانيه ، طلعي انتي اول ، لا لا انتي طلعي انا وراج ، لا لا حلفت محد يطلع قبلج ، حيا مرخا


خل اتشجع وارد لكم ان شاء الله

هالله هالله بالتشجيع عاد