السلام عليكم وصباح الخير يا فؤادي انتو
سالفتنا اليوم برعاية
" طحت بشر أعمالك "
للدعاية والإعلان
.....................
مغربية من المغربيات يوم اني بسن المراهقات
حبيت لي ذاك الوليد اللي يفتخ العقل من كثر ماهو حليو وطيب وحنون
بهاليوم كنت رادةاتمشى على ريلي بالدرب وشايله " فهود" ولد عمي
خبركم كنا ساكنين البيت العود ذيج الفتره
رادة اتمشى ولا يطلع ذاك الزوووووووووووووووول
اللي تعومست منه وحسيت الدم كله وصل راسي
ما ادري شسوي الحين ادش البيت ولا اتم بالسكه ولا شسوي بالضبط ما ادري
وقف لي جون ترافولتا " النسخه الجلحه "
عشان نكون اكثر دقه نقول " نيقاتيف جون ترافولتا"
كاد شعره على جنب
وواقف لي عند الياده
ويأشر لي بيده مكتوب
الحين انا شلون باخذ المكتوب
فهود ياهل بو ثلاث سنين يمكن او هالحروة وما اقدر اخليه يروح له
عاد انا قلت خل ادش البيت اشوف شلون الوضع اتطمن وارد اطلع
دخلت ولا اشوه ماكو احد بطلعتي
فجأة إلى صوت مرت عمي
عجووووووووز وين رايحه مع فهود ؟؟
جان اقول لها باوديه السطح العبه
سطحنا اول نصعد له بدري خارجي من باب الحوش
جان ازخه
واتميلح عليه .. يالله حبيبيييييييييييي عشان نروح السطححح نلعب
واقعد اقنع فيه جدام امه لين وصلت الباب
انا بس طلعت من الباب
ودبجه على باب السكه
ولا ترافولتا ليلحين واقف
متسند عالشبه وماسك مشطة .. جان تخبرونه قبل المدور
وحيل ينسل بهالقذله
من باب بيتنا لي الشبه اللي واقف عليها يمكن عشرين خطوة
بس جنهم عشرين الف كيلو من الخرعه
اي يوم انكم خايفين شلكم بهالساااالفه ؟؟؟ ما ادري
المهم وصلت عنده جان يقولي العجوز شلونج
جان ارد عليه بكل انوثه ودلال طيبه الله يسلمك انت شلونك
جان يقول انا مازال شفتج انا بخير
وانا بس اسبل بعيوني
عطاني المكتوب وزخيت فهود وركضضضه لي باب البيت
باب البيت يومها كان بالفنطاس
من كثر من حسيته بعيد
دخلت الباب الاول ودخلت الباب الثاني وحسيت اني اشششششششششش
مثل جدرالقلاي لا صبو عليه ماي بارد
اخذت انفاسي وهديت واخذت خطوه
فجأة
يمااااااااااااااااااااا
عمي بويهي
انا وقف قلبي وقعدت بس ابولع بريجي
جان يقولي عجوووز وين كنتي
الحين هالاثول اللي معاي من الصبح عندي ولا تكلم ولا كلمة
وطول النهار وانا العب معاه واهو ساكت جنه بو الهول
واهو اساسا مو من اليهال اللي يتكلمون وايد
يوم سأل ابوه وين كنتي
مثل ابليس تكلم وقال
" يبه رحنا حق عمي سطح بره "
ومو إلا أكمل الباجي
هناك 20 تعليقًا:
شكله الباجى طراقات و ترفس
لوووووووووووووووووووووووووول
لووووووووووووووووول
طحتي بشر أعمالج
سكتي سكتي يا براقش
ما ودج تعرفين يمه
المشكله النزغه تم اسبوع واهو كل شوي سائلني متى بنروح حق عمي سطح؟
سكت دهرا ونطق كفرا يا حلوه اسم الله عليه صار ريـال ابو عيال الحين ..
تهقين ناسي السالفه؟
اي والله يا بنت بطنها طحت بشر اعمالي
ما سوت علي هالعمل عاد انا كنت بريييييييييييييييئه
بس ابليس قص علي
لا ما اظن نسى
لووووووووووووووووول
يمكن تعقد و يشك بمرته
ههههههه
لا و مخفّر بناته
لوووووووووووووووووووووووووووووول
loooool walah o 6l3 3ndch '3ramyaat yal3jooz >;) hehehe
la ykoon 3dtehaa 38b il6ra8at elle 79altehom ?
pPpP;
لووووووووووووووووووووووووووووول
وي يافرحةماتمت
:)
ناطره التكمله
براقش هههههههههههههههه
انا بعد اظن جذيه بدليل ان منقبها
ما سوت علينا رساله جانها فاضحتنا جدام الله وخلقه
طاحت علينا السما
اولا شي اشوه اني صدتج متى ان شاء الله بتحطين لج مدونه ييت اضمج حق قائمة عيالي ما قدرت
...............
عدتها؟؟
إلا عدتها وعدتها وعدتها لووووووووووول ما تبت
بس تابعوني انتو وتشوفون النزاغه شلون قايله
نورتي البوست يا بنيتي فقدتج اليوم من غير شر
نور البنور
اي اهي من ناحية ما تمت فما تمت صج
شناطره بالتكملة يا بنيتي يا حبج حق الفضايح هههههههه
خلاص طوفي التكمله عشاني هالمره وخليني اقول سالفه ثانيه التكملة سواد ويهه وانا امج ههههههههههههه
لووووووووووووووووووووووووووووووووووووووووووووووووووول يحليله!
و اهم شي انه كان
" نيقاتيف جون ترافولتا"
كااااااااااااك
emnawer bwjoodech wallah ;)
looool shoofee ana bsawe blog bs
3shan et76enee m3a 3yallech XD bs bekoon fa'9ee coz mo no3e akteb :(
o wallah 6l3tee mo haina 7jeyah ;p~.. yuma mnch hathe swalfch ayam ilshbaaaaab
yallah na6ren nbe nshof 3maylech ilmhabebah hehehehe
;*
مايبيه حجي ،،الشبه كلها قلوب حب والسبه ،، عبدالحليم
P:
مدونه خفيفه ،،وسعيد بمروري الاول
منال يا هلا فيج يا بنيتي
اي والله يحليله كان النسخة الجلحه بيني وبينج
حياج الله يمه وعسى دوم هالضحكة
طاحت علينا السما
يا هلا فيج يمه ميخالف سوي وحدة لين الله يهديج وتكتبين.. وسوالفي من ناحية مهببه فاهي مهببه صج ياييتج بالطريج بعد السوالف ليلحين ما شفتي شي ههههههه
حياج الله يمه
سليمان يا هلا فيك يا وليدي اسفرت وانورت فرحتني بهالزيارة وان شاء الله ما تنقطع .. تقول قلوب حب ؟؟ اهي قلوب حب إهي اسهم ما يبقى حرف مو شاخطه عالشبه يمكن لوووووول
حياك الله يا وليدي
لووووووووووووووووووووووووووووووول
شمعنى اهيا
حياج الله يا بنيتي وعسى دوم هالضحكة الحلوة
مشكورة على الزيارة
لووووولز .. اليهال مرات ما يتكلمون إلا بأحرج المواقف لولز ..
م د
اي والله صاج يا يمه سكت دهرا ونطق كفرا يااااه تذكرت واحمرت وجنتاي لول
حياك الله يا يمه
إرسال تعليق