صباحكم الخير
شلونكم يا يمه
انا قاعده اليوم وشاربه ذاك الكبتشينو
اللي يطير العقل
يابته سومنتا تقولي ماما هذا كبتشينو لاتيه
قلت خوش والله سويلنا منه خل نجرب بالله اللاتيه
حياكم الله لا تنسون تاخذون كوب لاتيه تلقونه عالطاوله صوب الباب اول ما تدخلون
واستريحو حياكم الله
سالفتنا اليوم عن ايام الغزو عسى الله لا يعوده
ذكرت ايام الغزو ضحكت وضاق خلقي
تذكرت مواقف تضحك
تذكرت مواقف تفشل
تذكرت مواقف تبجي
بس موقفي اليوم معاكم يفشل ويبجي ويضحك بنفس الوقت
خل اعطيكم فلاش اول
أكو مسلسل قديم ما اذكر شنو اسمه
فيه جمال الردهان واظنتي غانم الصالح اذا ما خاب ظني لا تدققون على التفاصيل ما اذكرها
جمال الردهان متصل على حبيبته تالي الليل يسولف معاها
ودخل عليها ابوها فجأة وقال لها من تكلمين هاتي التلفون
مسك التلفون وألووو ألووو
توهق جمال الردهان بالمسلسل ما لقى إلا انه يقول
بنبره اذاعيه
"عند الاشارة تكون الساعه العاشرة مساءا وثلاثون دقيقة طووووط"
يكون يعني داقه على الساعه البنت
طالع الساعه غانم الصالح ورد عليه بعصبيه
يا جليل الحيا الساعه الحين 12 بالليل
رد عليه جمال الردهان بنفس النبرة : " جزاك الله خير ..... الحين نصلحها "
عودة
أول أيام الغزو قبل لا يقطعون التلفونات اتصل علي حبيب القلب الأولي
يبي يتطمن شلون وضعي وويني وهل سمعت بالخبر ولا لا
شالته بنت خالتي " كانت نايمه عندنا "
واهو ميت من الخوف يقول لها ناديها وينها خل اتطمن عليها ارجووج
نادتني جدام الكل
عجوووز تلفووون
وانا تليقبت وسألتها منوووووووووووو؟
بكل سذاجه ونقاصة عقل قالت لي
" عبدالرحمانه "
هذي وين ارقعها بالله ؟؟؟؟
هناك 26 تعليقًا:
لووووووووووووووووووووووووووووول ..
يا حلاتج ويا حلات سوالفج :)
بس السؤال الي يطرح نفسه جم كان عمرج قبل 18 سنه ;q
هذى السالفه صارت مره و شفتها بام عينى
مو ابوها
وحده تقول حق اختها
حميده طاحت
وكانت السالفه بمباراه كرة قدم و الكل شباب
لوووووووول
وواحد اسمه احمد طاح
عاد تبينى امسك نفسى
ما قدرت
خزيتهم و مت من الضحك
للعلم كنت انا احتياط للفريق الثانى
كويت يا هلا والله يا بنيتي ونستيني بهالزياره الحلوه وان شاء الله ما تنقطع وياحلاتج انتي والله
اقول عن الفضايح يمه اصلا ياهل ما افطن ذاك الوقت بزر
ما طلع لي ضروس ذاك الوقت
قويه ها؟؟؟ لووووووووووول
حياج الله حبيبتي ولا تقاطعينا
براقش لووووووووووووووووووووووول الحمدلله يا ربي يعني مو بس انا اللي بنت خالتي عاهه الحمدلله يا ربي .. اشوه انها مو حول الانترنت و هالسوالف جان فضيحتي بجلاجل وصرت بيزه
حميده تترقع يا براقش اللي ما تترقع عبدالرحمانه هذي وين تنصرف بنيتي؟
ههههههههههه خالتي هذا واحد ثاني غير "جون ترافولتا النسخة المغبرة"
اااااايه خالتي منتي بسهلة والله
بس كملي السالفة ولا طوط طوط طوط ;)
ههههههههههه خالتي هذا واحد ثاني غير "جون ترافولتا النسخة المغبرة"
اااااايه خالتي منتي بسهلة والله
بس كملي السالفة ولا طوط طوط طوط ;)
صباح النور و السرور
و بالعافيه عليج اللاتيه :))
هههههههههههههههههههههههه
لو مو سأله احسسسسن لج :P
اما عبدالرحمانه ما تنرقع كلش ملش
يا حلات سويلفاتج و مغامراتج .
لا سواد ويه ولا قالها الله..
الحب جميل .. جميل الحب.. له الف دليل اسألوني عليه..
بس عاد كملي القصة شصار.. لايكون طلع متعاون؟
لووووووووول
يبيله لاتيه تصدقين :)
سالفه عبدالرحمانه تحححححححححفه بطني يعورني من الضحك :)
موخوش موقف والله
نبي بعد مواقف خو انتي معمره ماشالله عليج شنو شفتي ؟
هلاااا والله اشتقنااالج ولسوالفج الحلوة
لوووووووووول من امه ماترقع !
بس حرام نيتها صافيه مو قصدها المسكينه هيهيهي انزين رديتي عليه ولا لأ pp;
ههههههههههههههههههههههههههههههههههههههههه
موقف حده خطير هههههههههههههههههههه
وسؤالي نفس اللي فوقي ..
رديتي ولا لأ ؟ p:
وتسلم ايدج على هالسالفه ^_^
الترقيعة نااار :))
خوش سالفة
loooooooooooooool
حلوووووه D:
مو قلتلج خف طيينه :)
ذكرتيني بسالفة واحد من الشباب
يسولف عن وحدة من عرب اسرائيل وشلون ان الاسرائيلين مايضايقونهم لما يمشون بالشوارع
وطبعا يسولف صاحبي ومايبي أحد يدري إنه يتكلم عن بنت ويقول:-
(( اليهود مايضايقون عرب اسرائيل واحد من الشباب يقول لما أمشي وأنا حامل بالشارع محد يضايقني ))
طبعا الموضوع عدا على الشباب وماانتبهوا الا لما اسمعوا ضحكاتي تجلجل في المكان
عسى ما شر شهالغيبه وينج ؟
عسى المانع خيــر :)
الانتقام العسل
هلا بنيتي
لا هذا اهو نفسه جون ترافولتا لوووول بس مسويه تمويه عن الفضايح
بس مو تعلمين احد يمه زين؟
قلب طفله
هلا يا يمه شفتي شلون انا لو ما سائله وايد ابرك لي
بس الحمدلله ان عدى على السالفه وايد هههههه
استاذ حمام يا هلا والله
لا ما طلع متعاون كان يبي يتزوجني يقولك ويطلع فيني السعودية
الناس بحرب وبحاله وهذا يبي يتزوج لووووول والله فراغه
معاذ
يا هلا يا يمه وتستاهل اللاتيه
يا سووووووووووووومنتااااااااااااااااااااااااااااااااااااااا
ييبي حق عمج لاتيييييييييييه
المواقف ان شاء الله يايه بالطريج
المشكله ان كل ما تذكرت شي ابي اكتبه بس ادخل هني يطقني عقر بقر
طاحت علينا السما
ياهلا يا يمه فقدتج
اي رديت اشوه ان الناس كانت بحاله محد منتبه
بس انا ماني قادره انسى الموقف فشيييييييييله
بودي هلا يا هلا يا امتز مصور
شلونك يمه؟؟
اي رديت يمه وياليتني ما رديت رد الماي بحنيوره قولو آمين
حجيتك ما ييتك يا هلا والله وليدي
لا لا ما تترقع .. واشوه ان السالفه يازتلك بعد عندي لك وايد منها بس انطر علي لوووول
حياك الله يا وليدي
ابو الوليد يا هلا يمه
الله يهديك ليش تخلي ضحكاتك تجلجل المكان لوووول انت الحين خليت اللي ما سمع يسمع
هذا صاحبك ترقيعته هم مو شي الله يهديه هههههههههه
كويت يا هلا يا يمه
موجوده يا يمه لا تحاتين بس كل ما ييت اكتب طلع لي شي
مشكوره يا بنيتي على السؤال وحياج الله
خرمس سامحني يا يمه خطرتك ما شفتك
ليش منخش يا يمه حياك لا تستحي مامن احد غريب
والله ما خفيف طينه إلا انت وزيارتك الحلوه هذي
منور يا يمه
إرسال تعليق