صباح الخير
شلونكم يا يمه ؟؟
والله اني ولهت عليكم .. وسامحوني على التأخير
وشكرا لبنيتي الحلوه كويت على السؤال
انا كنت كاتبه موضوع .. قبل شوي ومسحته
زرت مدونة اختكم
سويت رفنج
او مثل ما سميتها الانتقام العسل
لها موضوع اسمه خايفة
قريت فيه ان اهي خايفه
وعشان اهي خايفه
انا كتبت هالبوست الحين
خل نفتح هالموضوع ونتكلم بكل صراحة
بس على ضوء المدونات لا نطلع برة التدوين
شنو الأشياء اللي تقدر تتكلم فيها؟؟
شنو الاشياء اللي ما تتكلم فيها إلا اذا حسيت انك مضطر؟
شنو الأشياء اللي تحس انك ما تقدر تتكلم فيها
ومتحفظ عليها؟؟
شنو الأشياء اللي مستحيل حتى تفكر انك تتكلم فيها؟؟
ليش ؟؟ وشحقه ؟؟
فكروا .. وجاوبوا بصراحة
انت مش انت !!
قبل 7 أعوام
هناك 21 تعليقًا:
احم احم السلام عليكم, شلونج خالتي
يسعدني ان عجبج البوست,بس ماعلقتي عليه
المهم انا بأبدي وقولج عن الي يخوفني
شنو الأشياء اللي تقدر تتكلم فيها؟؟
"كل شي اقدر اتكلم عنه ماعدا الدين والسياسة وقلة الادب p: عيب"
شنو الاشياء اللي ما تتكلم فيها إلا اذا حسيت انك مضطر؟
"الناس وشغلي"
شنو الأشياء اللي تحس انك ما تقدر تتكلم فيها
ومتحفظ عليها؟؟
"حياتي الشخصية "
شنو الأشياء اللي مستحيل حتى تفكر انك تتكلم فيها؟؟
"السياسة"
ليش ؟؟وشحقه ؟؟
لاني شبعت جمبزه,كل سياسي يقول قلبي علي البلد واهو قلبه علي نفسةولا همته البلد
ودمتم:)
مشكورة خالتي العسل علي الموضوع
يا هلا وغلا ..
شخصيا اكتب عن كل شي بحدود الأدب العام وتربيتي :)
اتغشمر وأنكت وأضحك وأطلع ما بقلبي وان كنت أحيانا أتطرق إلى الجانب العام من حياتي الشخصيه وبعض الأمورالحياتيه وأكتب عن السياسه والتي هي عشقي كما أكتب مطولا عن رحلاتي المكوكيه سواء داخل الكويت أو خارجها ودائما تكون مصوره :)
مشكوره ماماتي ;*
1-شنو الأشياء اللي تقدر تتكلم فيها؟
المواضيع العامه
2-شنو الاشياء اللي ما تتكلم فيها إلا اذا حسيت انك مضطر؟
3-شنو الأشياء اللي تحس انك ما تقدر تتكلم فيها
4-ومتحفظ عليها؟؟
5-شنو الأشياء اللي مستحيل حتى تفكر انك تتكلم فيها؟؟
6-ليش ؟؟ وشحقه ؟؟
اما من 2 الى 6
اذا شرحت راحت الخصوصيه
ترى التفضفض سلاح ذو حدين
يعنى اكو اللى يقول الله يساعدك
و اكو اللى يمسكها معيار
و الدنيا عمرها ما تبقى على حال
حتى التدوين
مثال مصع=غر للعالم اللى عايشين فيه مع فرق ان اخحنا نستخدم التكنولوجيا
يعنى وين بلاقى اخوات و اخوان بكل الاعمار و مطشرين بهالعالم
لا و بعد وايد منهم يشاركونى بامور كثيره
ليل و نهار
اول ما بديت تدوين كنت قبلها سنه تقريبا بس اقرا
عرفت اطباع و شخصيات ووايد
لووول
صار ادمان الله يبعدك
والحين ميرسى لالله توفقت بمعرفتكم
لووول
ترى الحين تالى الليل عندنا
و ماكو شغل فلو بتكلم ما اسكت
:)
قوة يدتي شلونج :)
كل شي نقدر نتكلم عنه هذي مدونتج ولج الحريه بس انتي محكومه بضوابط (المفروض) الواحد مايتعداها مثل الدين لأن محد يرضى !!
الي مانتكلم فيه الله يسلمج قلته الدين واشخاص معروفين بالاسم يعني ليش التشهير ابخلق الله حدها موحلوه :)
الاشياء الي احس مااقدر اتكلم عنها بعض اموري الشخصيه وبعض المرات اشاور المدونيين ومااشاور اهلي :)
الشي المستحيل اتكلم عنه امممم مافكرت والله بس لك حادث حديث :)
اليده تبي تحمي نفسها بعد قانون الانترنت لوووووووول خايفه من شنو :q
ههههههههههه يبتها معاذ والله
ماما عودة شخايفة منه ؟؟؟
الشغلات اللي أقدر أتكلم فيها هي
براقش
و اللي ما أقدر أتكلم فيها هي
مو براقش
سلام يا يمه
واشلونج
واننا بعد ولهت عليج وايد
بالنسبي لي انا انا ما عندي مشكله اكتب عن كل شي حتى حياتي وغربتي والشي المهم والي يصير بديرتي سواء سياسي ولا ديني بس بحدود الأدب والشي المعقول وعساج على القوه يايمه
الانتقام العسل
هلا ببنيتي العسل اي والله عجبني موضوعج يا بنيتي وعلقت والله تعليق شطوله وشعرضه بس طلع لي الحارس قالي لازم موافأه صاحبة المدونه يا هانم انتي أدمي الكتاب ده وحنا نعرضو عليها وقمت وكتبت
حتى سألتج آخر شي شنو نوع قهوتج لوووووول
ويا حلوج ويا حلو ردودج صاجه يا بنيتي .. بس مالازم الخوف يسيطر على كل شي فينا خلج قوية وانا امج القلم يبيله جرأه
وعلى موضوع السياسة ما تنلامين انا بعد مثلج شبعانه جمبزه وماقام احد يعجبني
حياج الله يا بنيتي زارتنا البركه
كويت حياج الله يا يمه
اي عفية على بنيتي الشاطرة
تكتب عن كل شي بحدود الذوق العام وتربيتها عفية بنيتي جذيه تفرحوني والله بناتنا عندهم طاقات وابداعات وايد عسى الله يحفظكم يا فؤادي ونستوني بهالمناقشه
براقش المدي والجزري
يا هلا يا هلا
سولفي يا يمه كثر ما تبين ليل نهار كله واحد ما نقول لا وكلامج عين العقل وانا اللي والله تشرفت بمعرفتكم كلكم وصرت اوله عليكم وايد وافقدكم عسى الله يخليكم ويحفظكم ان شاء الله
معاذ يا هلا يا يمه
اقول يمه ليش ما تصير عاجل؟
لازم تعم علي يمه؟؟
باجر يكلبجوني ويقطوني بالنظاره وافتن عليك اقول لهم معاذ محرضني وانا عيوز شوفه عينكم ما اعرف شي هههههههه .. اصلا من يشوفون شكلي راح يعرفون ان مالي بالعنترنت ههههههههههههه لا تزعل عاد انت بالذات احب اداحرك
يا حلوك يا معاذ ويا حلو مناقشتك وصاج يا يمه انا بعد قلت لكم اشياء محد يعرفها عني بس مو كل شي ينقال اكيد ولا كل شي يسولفون فيه العالم عدل كلامك
حياك يا يمه ونستني بهالزيارة
الانتقام العسل اقول ركدي انتي معاه .. شكلي باقول انج محرضتني معاه هههههههههههه
يا حلوكم
عسى الله يحفظكم ويخليكم ان شاء الله
مهندس أف
يا هلا وغلا يا يمه شنو هالزيارة الحلوه ونستني بهالزياره انا بخير سألت عنك وولهت عليك العافية .. وعين العقل كل شي لاصار بحدود الأدب والذوق العام يصير خوش
هذي الساعه المباركه يا وليدي وهذي الساعه المباركه
حلم جميل بوطن افضل
حياك الله يا يمه ومشكور على هالزيارة
صار معلوم
بس الحين انا ادفع الباجي من عمري عشان اعرف مو براقش شتطلع هههههههههه
ووووووووووويه مريتي مدونتي وعلقتي والحارس جليل الحيا ردج
فنشته خالتي ولا ماعاش الي يردج
خبرج انا بعد توني يديدة علي سوالف المدونات
حطي الي بخاطرج ولا يهمج وحياج الله مقدما
بالنسبة لي شخصيا أذكر أي شي يخطر ببالي وأشعر إن غيري مفروض يعرفونه ويناقشونه ويطرحون وجهة نظرهم
واللي أتخوف من ذكره انتقاد الشخصيات بأسمائها وحتى لو كانوا من عامة الشعب
الانتقام العسل يا هلا يا يمه
عاد اللي يسمعج الحين يقول اسكت انا مسكته بالمدونات حتى انا حالي من حالج ههههههه
ابو الوليد يا هلا فيك يا يمه وشلونك وشلون الوليد عين العقل كلامك قبل لا ننقد على العالم لازم نشوف عيوبنا اول عدل شغلك يمه مالك شغل باحد
السلام عليكم ،
موضوع حلو و يالله خل نتناقش
*شنو الأشياء يلي تقدر تتكلم فيها؟
- اقدر اتكلم بكل موضوع إذا كان يستدعي الشي اني اكون في وسط حوار معين او قروب معين ..لكن ما أضمن نفسي اني اكون موضوعي في شيين .. الدين و السياسة ، لأن بالأول و الأخير الدين لها ناسها و السياسة لها ناسها .
* شنو الأشياء يلي تحس انك ما تقدر تتكلم فيها و متحفظ عليها ؟
-حياتي ، الأشياء يلي اسويها ، عن خططي المستقبلية ، ما احب اقول حق احد شنو سويت و لا شنو بسوي إلا لما ينتهي الشي يلي انا قاعد اسويه ، لأن ما أحس ان الناس لازم يعرفون .. و أتنرفز لما اسمع واحد ناقل خبر ان محمد و الله يبي يسوي شغلة و قاعدة يسوي شغلة .. انا أحب لما أخلص و كل شي اقول حق يلي يسأل إي و الله انا وصلت لهل الشي .. اشلون ؟ .. مو شغلك
*شنو الأشياء اللي مستحيل حتى تفكر انك تتكلم فيها ؟
- بالنسبة لي ، مثل ما قلت انا اتكلم عن اي شي أحب النقاش ، ماعندي مشكلة اطرح اي فكرة ببالي في حلقة نقاش .
* ليش و شحقة ؟
- لأني أؤمن إن الأفكار لازم تناقش ، يمكن انا فكرتي غلط و تتصلح لما اقولها على ناس اكبر مني او لهم وجهات نظرة مختلفة للحياة ، لازم الكل يشارك أفكاره و معتقداته لو انت غلطت يمكن انا اعرف الصح و لو انا غلط اتعلم الصح ! ، و لا لو قعدنا نستحي من هالموضوع و هالموضوع و هالموضوع لأ عيب .. و الثاني ما يصير .. و الثالث حرام .. الأفكار كلها تنحبس بالمخ ... و العقل مرات يحوس بالفكرة و يكبرها و يشكلها مرات بطريقة خاطئة ، بنظري هالشي اهو يلي خلا " مجاهدين" يجاهدون بدولة اهم مالهم شغل فيها ، " متحولين من الجنوس " يغرون من خلقة ربي لهم .. و غيره غيره
نسيت أضيف جملة على سؤال
"شنو الأشياء يلي تحس انك ما تقدر تتكلم فيها و متحفظ عليها ؟"
قبل لا اثبت تعليقي
إن الشي يلي متحفظ ما اتكلم عنه اهو مثل ما إني ما أحب احد يتكلم عني و شنو سويت و شنو بسوي .. ما احب اييب طاري أحد شنو سوى و شنو بيسوي و شنو وضعه و زين و لا مو زين .. و إذا الواحد بعيب و لا يبي يشوه سمعت واحد بإعتقادي ان الشي راح يرجعله بحياته .. سو غلط و ترجع لك و سو صح يفيدك ! هذا يلي أؤمن فيه .. لولز و اسف زرت بس ما خففت هالمرة
م د
اذا هذي زوارتك يمه عيل اخذ القرين لايت مني لا تخفف خير شر يا حلاتك ويا حلات زوارتك عين العقل يا يمه اجابات جيده وحياك الله ما قصرت على هالزيارة عسى الله لا يحرمنا منها
إرسال تعليق